कोरीयंडर चिकन / coriander chicken

साहित्य –

१. कोथिंबीर ३ वाटी

२. कढीपत्ता १० पाने

३. मिरच्या ७-८

४. आले लसूण पेस्ट २ चमचे

५. फाय स्पाईस मसाला १ चमचा

६. चिकन अर्धा किलो

७. खसखस पाव वाटी

८. सुक्या खोबऱ्याचा कीस ३ चमचे

९. धनेपूड ३ चमचे

१०. जिरे १ चमचा

११. तेल ५ चमचे

१२. हळद एक चमचा

१३. मीठ चवीनुसार

१४. दही १ वाटी 

कृती –

चिकनचे पीस स्वच्छ धुवून घेणे. त्याला हळद व थोड मीठ लावून अर्धा तास मुरण्यास ठेवावे. एका मिक्सरच्या भांड्यात कढीपत्ता, कोथिंबीर, मिरच्या, थोडे पाणी टाकून बारीक वाटून घेणे. खसखस मध्ये १ वाटी पाणी टाकून मिक्सर मध्ये २-३ मिनिटांपर्यंत फिरवत राहणे. मग त्यात खोबरं टाकून परत २ मिनिटे वाटून घेणे. एका नॉनस्टिक भांड्यात तेल तापवून त्यात जिरे तडतडू देणे. आता धणेपूड टाकून आले लसूण पेस्ट टाकणे. मग कोथिंबीरीची पेस्ट टाकून ३ मिनिटे भाजणे. खसखसची पेस्ट टाकून हळद, मसाला टाकावा. झाकण ठेऊन पाणी आटेपर्यंत शिजू देणे. दही टाकून परत २ मिनिटे होऊ द्यावे. मग चिकनचे पिसेस, मीठ टाकून झाकण ठेवावे. चिकन शिजल्यावर gas बंद करून भाकरी किंवा राईस बरोबर सर्व्ह करावे.