चिंचेचा रस्सम / tamarind rasam

साहित्य –

१. चिंचेचा कोळ अर्धी वाटी

२. धने १ चमचा

३. अर्धा चमचा मिरे

४. कढीपत्त्याची पाने १०

५. सुक्या लाल मिरच्या ४

६. तूरडाळीचे पाणी २ वाटी

७. कोथिंबीर १ वाटी

८. मीठ चवीनुसार

९. तेल २ चमचे

१०. मोहरी पाव चमचा

११. जिरे पाव चमचा

१२. हळद पाव चमचा 

१३. लसूण पाकळ्या ५ 

कृती –

एका खलबत्त्यात मिरे, धने, ५ कढीपत्ते, २ सुक्या मिरच्या कुटून घेणे. एका भांड्यात हा कुटलेला मसाला टाकून थोडा भाजावा. त्यात तूरडाळीचे पाणी, चिंचेचा कोळ, मीठ, अर्धी वाटी कोथिंबीर टाकून अजून पातळ करायचे असल्यास आवश्यकतेनुसार पाणी टाकावे. ५ मिनिटे झाकण ठेऊन उकळू द्यावे. मग गाळून घ्यावे. एका कढल्यात तेल तापवून त्यात मोहरी, जिरे तडतडू द्यावे. आता उरलेला कढीपत्ता, हळद, २ सुक्या मिरच्या, कुटलेला लसूण टाकून gas बंद करावा. ही फोडणी रस्सम गरम असतांना त्यात टाकावी. उरलेली कोथिंबीर टाकून बॉईल्ड राईस बरोबर रस्सम सर्व्ह करावे.