मटार पनीर / matar paneer

साहित्य-

१. मटार दीड वाटी

२. पनीर एक वाटी

३. tomato २

४. कांदे ३

५. गरम मसाला अर्धा चमचा

६. तमालपत्र २

७. लवंग ४

८. तिखट चवीनुसार

९. मीठ चवीनुसार

१०. तेल ६-७ चमचे

११. आले लसूण पेस्ट १ चमचा

१२. कोथिंबीर पाव वाटी

१३. कसुरी मेथी १ चमचा

१४. फेटलेले दही ३ चमचे

कृती-

कांदे बारीक चिरून घ्यावे. तव्यावर १ चमचा तेल टाकून त्यावर खरपूस भाजून घ्यावे. एका भांड्यात tomato बुडतील एवढे पाणी घ्यावे. त्यात tomato टाकून पाण्यातून वाफ येईल इतके गरम करून gas बंद करावा व tomato काढून घ्यावे. त्या tomato ची साले काढून त्याच्या मोठ्या फोडी करून मिक्सर मध्ये कांद्यासोबत फिरवून बारीक पेस्ट करावी. एका पातेल्यात तेल गरम करून घ्यावे. त्यात तमालपत्र व लवंग टाकावी. व लगेच तयार पेस्ट टाकावी. आता त्यात गरम मसाला, तिखट, आले लसूण पेस्ट, कसुरी मेथी व मटार टाकून मंद gas वर झाकण ठेऊन १० मिनिटे होऊ द्यावे. मधून मधून ढवळत रहावे. नंतर झाकण काढून त्यात मीठ, दही व पनीरचे तुकडे टाकून परत २ मिनिटे वाफ काढून घ्यावी. (आवडत असल्यास चवीपुरती पाव चमचा साखर टाकावी) मग gas वरून खाली उतरवून कोथिंबीर पेरावी व तंदुरी रोटी बरोबर सर्व्ह करावे.