कुरकुरे स्ट्रिप्स / crunchy strips
साहित्य-
१.
मैदा २ वाट्या
२.
तेल आवश्यकतेनुसार
३.
जिरे २ चमचे
४.
ओवा १ चमचा
५.
तिखट आवश्यकतेनुसार
६.
मीठ चवीनुसार
७.
चाट मसाला अर्धा चमचा
८.
कसुरी मेथी २ चमचे
कृती-
मैद्यात
ओवा, जिरे, मीठ, व कसुरी मेथी टाकून मिक्स करावे. आता त्यात अर्धी वाटी (किंवा
त्यापेक्षा थोडे कमी) गरम तेलाचे मोहन टाकून एकत्र करावे व पाण्याने घट्ट गोळा
करून घ्यावा. पोळपाटावर पोळीप्रमाणे पातळ लाटून त्याच्या लंब्या लंब्या स्ट्रिप्स
कापाव्या व कडकडीत तेलात खरपूस तळाव्या. (लांब नको असल्यास त्या मधून कापून लहान
कराव्या). नंतर त्यावर तिखट व चाट मसाला
भुरभुरावा व हलक्या हाताने ढवळावे.
टीप-
ह्या
स्ट्रिप्स हवाबंद डब्ब्यात ठेवल्यास बरेच दिवस तश्याच राहतात.
Comments
Post a Comment