सुरळीची वडी / suralichi vadi
साहित्य-
१.
बेसन १ वाटी
२.
आंबट ताक १ वाटी
३.
पाणी दीड वाटी
४.
मीठ चवीनुसार
५.
हळद पाव चमचा
६.
तेल आवश्यकतेनुसार
७.
मिरच्या ४-५
८.
ओले खोबरे १ वाटी
९.
कोथिंबीर अर्धी वाटी
१०.
मोहरी अर्धा चमचा
११.
जिरे पाव चमचा
कृती-
कोथिंबीर,
व मिरची बारीक चिरून घ्यावी. खोबरे खवून घ्यावे. २-३ ताटांना पालथे करून तेल
सगळीकडे लावून घेणे. एक वाटी बेसन व एक वाटी ताक मिक्सर मधून फिरवून घेणे. पाणी
बारीक gas वर उकळायला ठेवणे. त्यात मीठ, हळद, व २ चमचे तेल टाकणे. मग त्यात वरील
मिश्रण टाकून चांगले घोटणे. ३-४ मिनिटांनी सुटायला लागल्यावर खाली उतरवून घेणे. आता ह्या मिश्रणाचे तीन भाग करुन तीन ताटांवर
ठेवणे. व लगेच उलटन्याने ते सगळीकडे पातळ पसरवून घेणे. एका कढल्यात ४-५ चमचे तेल घेऊन त्यात मोहरी, जिरे व मिरचीची
फोडणी करून घ्यावी. कोथिंबीर, फोडणी व खोबरे एकसमान ताटावरील मिश्रणावर पसरवून
घ्यावे. ह्याच्या चाकूने लांब लांब पट्या कापून एक एक पट्टीची गुंडाळी करून सर्व्ह
करावे.
टीप-
मिश्रण
gas वरून खाली उतरवल्यावर ते थंड व्हायच्या आत ताटांवर पसरवून घ्यावे. नाहीतर ते
थंड होऊन घट्ट होते.
Comments
Post a Comment