व्हेज मंचुरियन / veg manchurian

साहित्य-

१. पानकोबी २ वाट्या

२. गाजर १ वाटी

३. फरसबी अर्धी वाटी

४. लसूण ७-८ पाकळ्या

५. शिमला मिरची अर्धी वाटी

६. सोया सॉस ३ चमचे

७. tomato सॉस २ चमचे

८. अजिनोमोटो अर्धा चमचा

९. मीठ चवीनुसार

१०. तिखट चवीनुसार

११. मिरच्या २-३

१२. तेल आवश्यकतेनुसार

१३. मैदा आवश्यकतेनुसार

१४. कॉर्नफ्लोअर १ चमचा

१५. पातीचा कांदा अर्धी वाटी

१६. कांदा १

१७. आले एक छोटा तुकडा

१८. पाणी आवश्यकतेनुसार

कृती-

पानकोबी, गाजर, फरसबी पातळ लांब चिरून एकत्र करावे. त्यात १ चमचा सोय सॉस, चिमुटभर अजिनोमोटो, मीठ टाकून चांगले मिक्स करून घ्यावे. त्यात मैदा व पाणी टाकून त्याचे छोटे छोटे गोळे करावे. कडक तापलेल्या तेलात तळून घ्यावे. व बाजूला ठेवून द्यावे. आता एका भांड्यात उरलेला सोया सॉस, अजिनोमोटो, tomato सॉस, तिखट, मीठ, कॉर्नफ्लोअर व ३ कप पाणी एकत्र करून घ्यावे. एका कढईत ३ चमचे तेल तापवून त्यात बारीक चिरलेला लसूण, मिरच्या, आले व कांदा चांगला परतवून घ्यावा. आता त्यात बारीक चिरलेली शिमला मिरची व पातीचा कांदा टाकून ढवळून घ्या व लगेच वरील पाण्याचे मिश्रण टाकून उकळी येऊ द्या. सर्व्ह करण्याच्या आधी २ मिनिटे तयार गरम सॉस मध्ये मंचुरियनचे गोळे टाकून खायला द्यावे.