भरली ढेमसी / stuffed tinda

साहित्य –

१. कोवळी ढेमसी ७

२. तिखट १ चमचा

३. मीठ चवीनुसार

४. आमचूर पावडर १ चमचा

५. कांदा १ मोठा

६. टमाटे २

७. मिरच्या ५

८. आले लसूण पेस्ट २ चमचे

९. मोहरी पाव चमचा

१०. जिरे अर्धा चमचा

११. गरम मसाला एक चमचा

१२. धणेपूड १ चमचा

१३. तेल ३ चमचे

१४. कोथिंबीर अर्धी वाटी

१५. जिरेपूड अर्धा चमचा 

कृती –

ढेमसी धुवून घ्यावी. त्याला उभी व आडवी चीर पाडावी. एका भांड्यात तिखट, मीठ, आमचूर पावडर, गरम मसाला, धणेपूड, जिरेपूड एकत्र करावे. व चीरांमध्ये भरावे. एका कढईत तेल तापवून त्यात मोहरी, जिरे तडतडू द्यावे. मिरच्यांना चिरा पाडून फोडणीत टाकावे. आले लसूण पेस्ट टाकावी. आता ढेमसी टाकून मंद gas वर झाकण ठेवून ५ मिनिटे शिजू द्यावे. कांद्याचे व टमाट्याचे मोठे काप करून कढईत टाकावे. थोडेसे ढवळून परत झाकण ठेऊन शिजू द्यावे. ढेमसी शिजल्यावर gas बंद करून वरून कोथिंबीर पेरावी.