अचारी पनीर / achari paneer

साहित्य –

१. पनीर २ पाव

२. लाल सुक्या कश्मीरी मिरच्या ६

३. धने २ चमचे

४. बडीशेप २ चमचे

५. जिरे १ चमचा

६. मोहरी १ चमचा

७. मेथीदाणा एक चमचा

८. टमाटे २ मोठे

९. शिमला मिरची १ मोठी

१०. आले लसूण पेस्ट २ चमचे

११. कलौंजी अर्धा चमचा

१२. हिंग अर्धा चमचा

१३. हळद अर्धा चमचा

१४. लाल तिखट आवश्यकतेनुसार

१५. साखर अर्धा चमचा

१६. फेटलेले दही पाउण वाटी

१७. तेल ३ चमचे

१८. मीठ चवीनुसार

१९. कोथिंबीर अर्धी वाटी 

कृती –

प्रथम लाल मिरच्या, धने, बडीशेप, जिरे, मोहरी, मेथीदाणा सर्व २ मिनिटे भाजून घ्यावे. मिक्सर मध्ये बारीक पावडर करावी. टमाटे व शिमला मिरचीची बारीक पेस्ट करून घ्यावी. एका भांड्यात तेल गरम करून त्यात कलौंजी, हिंग परतावे. त्यात आले लसूण पेस्ट टाकून हळद, तिखट परतावे. टमाटे-शिमला मिरचीची पेस्ट टाकून ३ मिनिटे परतावे. आता मसाल्याची पावडर, मीठ, फेटलेले दही, साखर टाकून तेल सुटेपर्यंत परतावे. आवश्यकता वाटल्यास थोडे पाणी टाकावे. पनीरचे तुकडे टाकून २ मिनिटे शिजवून gas बंद करावा. वरून कोथिंबीर पेरावी.