लेमनी श्रिम्प रिसोतो / Lemony shrimp risotto

साहित्य –

१. कोळंबी ७-८ मोठे सोललेले

२. ओलिव्ह ऑइल ६ चमचे

३. हिरव्या मिरच्या ३

४. बेजिल लीव्ह्स पाव अर्धा चमचा

५. हिरवे वाटाणे अर्धी वाटी

६. चिकन स्टॉक अर्धा लिटर

७. बटर २ चमचे

८. पर्मेजानो चीज ३ चमचे

९. लसूण चिरलेला १ चमचा

१०. एका लिंबाचा रस

११. लिंबाच्या वरील सालचे बारीक लांब काप सजवण्याकरिता

१२. व्हाईट वाईन १ कप

१३. ३ कांद्याची पात 

१४. कांदा १

१५. तांदूळ दीड वाटी    

कृती –

कोळंबी धुवून २ चमचे ऑलिव्ह ऑईल मध्ये २ मिनिटे भाजून बाजूला ठेवावे. एका कढईत उरलेले ४ चमचे तेल घेऊन त्यात लांब चिरलेल्या मिरच्या, लसूण टाकून वाटाणे, चिरलेला कांदा परतावा. आता त्यात तांदूळ टाकावा. तांदूळ थोडा पारदर्शक होईपर्यंत परतावा. वाईन व स्टॉक टाकावा. १० मिनिटे शिजू द्यावे, आवश्यकतेनुसार पाणी टाकत जावे. आता कोळंबी, बेजील लीव्ह्स, कांद्याची पात, लिंबाचा रस टाकून शिजू द्यावे. रिसोतो कोरडा होता कामा नये. १०-१५ मिनिटे शिजू द्यावे. रीसोतो अर्धवट शिजवतात. मऊ होऊ देऊ नये. शेवटी बटर व चीज टाकून ढवळावे. सर्व्ह करताना लिंबाच्या सालीने सजवावे.

टीप –

रिसोतो साठी इटालियन तांदूळ (अर्बोरिओ) वापरतात. तो नसेल तर दुसरा कुठलाही तांदूळ वापरला तर चालतो.