तंदुरी कोळंबी / tandoori prawns

साहित्य –

१. कोळंबी मध्यम आकाराची १५

२. घट्ट दही पाव वाटी

३. गरम मसाला अर्धा चमचा

४. तिखट अर्धा चमचा

५. धणेपूड १ चमचा

६. कसुरी मेथी अर्धा चमचा

७. मीठ चवीनुसार

८. अर्ध्या लिंबाचा रस

९. आले-लसूण पेस्ट एक चमचा

१०. तेल एक चमचा 

कृती –

प्रथम कोळंबी धुवून स्वच्छ करून घ्यावी. वरील सर्व साहित्य एकत्र करून कोलंबीला लावून २ तास फ्रीज मध्ये ठेऊन द्यावे. मग तंदूर स्टिक्स मध्ये खोचून ग्रीलच्या तव्यावर किंवा तंदूर मध्ये १० मिनिटे भाजून घ्यावे. 

टीप-

१. तव्यावर करत असल्यास थोडे तेल सोडावे.

२. लाकडी तंदूर स्टिक्स वापरण्याआधी ५ मिनिटे पाण्यात बुडवून ठेवाव्या.